menu_bgservdownloadthemesdirforumhome
Smf عربى



المحرر موضوع: شرح لوحة تحكم ال smf كامله ان شاء الله  (زيارة 4780 مرات)

0 الأعضاء و 1 ضيف يشاهدون هذا الموضوع.

غير متصل الواد صيحو

  • عضو جديد
  • *
  • مشاركة: 8
  • الشعبية: +1/-0
    • مشاهدة الملف الشخصي
شرح لوحة تحكم ال smf كامله ان شاء الله
« في: 29 , مايو, 2009 - 07:48:16 مسائاً »
السلام عليكم

ازاي الاحوال

مشاركه مني فى زياده الدور العربي فى منتديات الاس ام اف

انا عملت محواله متواضعه

واهو كمان يكون علما ينتفع بيه

واخد بقي ثواب عليكو بقي

بسم الله نبدأ....

الاول احنا بنفتح الكنترول بانل او صفحه المشرف من قائمه مشرف ودي هتلاقيها فوق فى القوائم

اول حاجه

الواجهه

و بتلاقي فيها حاجات عامه

انا غالبا مش بستخدمها خالص

بس هنقلها فى السريع

مباشرة من www.simplemachines.org...
ودا بينقلك اخبار عن المنتدي نفسسه من الموقع الرسمي الاثدار و كدا...

معلومات الدعم
ودا بيقلك الاصدار بتاعك مثلا ايه
ومين المشرفين و كدا...

باقي القوائم هشرحها فى الجاي

لانها موجوده فى القوائم على اليمين

تحكم المنتدى

تحرير الاخبار
ودي داخلها حاجتين

الاولى
الاخبار دي بتطلع فى المنتدي من فوق
وممكن مثلا تقول احنا عنملنا حاجه جديده النهارده
وامبارح عينا المشرف الفولاني و كدا
وكمان فى خاصيه الاخبار المتلاشيه ( تفعيلها من اعدادات القالب الحالي )
دي تعرض الاخبار كلها بالتناوب وبين كل واحد و التاني المده الى بتحددها
عموما الاخبار بتبان مع كل ري فريش

الخاصيه التانيه
أرسل بريد للأعضاء
ودي من خلالها تقدر تبعت رساله للاعضاء
سواء انها تكون على الرسائل الخاصه
او على الايميلات بتاعت الاعضاء


مدير الرزم
ودا الخاص بالمودات او الهاكات او الاضافات الى بتضفها للمنتدي
وجواه اربع اقسام
استعرض الرزم 
ودا بيبينلك المودات الثبته بالفعل
يعني الى رفعتها على السيرفر بس مش شرط انها تكون متثبته

  تحميل الرزم
من هنا تركب مود
 
الرزم المثبتة

ودي المودات المتثبته بالفعل

خيارات 
دي الاعدادات
منها مثلا انك تحدد التصاريح الى بياخدها الملف لما تترفع على الموقع


تضبيطات المنتدى 

تحرير المزايا و الخيارات
ودي اعدادات المنتدي العامه
مميزات للاعضاء مثلا و امكانيات المنتدي


تحرير إعدادات الملقم
المهم منه انه ممكن تشغل منه نمط الصيانه..
يعني المنتدي يكون مغلق امام الاعضاء ( وليس المشرفين ) وتحدد من هنا شكل الرساله بتقول ايه للاعضاء

إعدادات القالب الحالي
دا بتظبط منه الثيم بتاعك
من الحاجات المهمه فيه
انك تحط لينك اللوجو الى فوق
او تحط عنوان مثلا او اعلان فوق فى المنتددي


إعدادات الشكل و القالب
تختار من هنا الثيم بتاع المنتدي
او تثبت منه ثيم جديد

المنتدى

معالجة المنتديات
وهنا اقسام المنتدي الموجوده عندك
وتقدر تعدل فيها
او تضيف جديد
او تلغي قسم
او تعمل تصنيف....

المواضيع و العناوين
دي التحكم فى المواضيع الى بتنزل المنتدي
مثلا عدد الحروف الكلمات المراقبه.....

إدارة التقويم
ودا بتظبط منه التاريخ و كدا ( ما افتكرش انى دخلته قبل كدا )

إدارة البحث
اعدادات البحث فى المنتدي

الابتسامات و مجموعة الابتسامات
من هنا بتتحكم فى السمايلز بتاعت المنتدي
تضيف سمايز
تحذف سمايلز
ترتبهم و كدا

معالج الملحقات
ودي اداره الملفات الى بيتم ارفقها فى المواضيع ومثلا تحدد المساحه للملفات و عددها فى الموضوع و كدا


تحكم الأعضاء

مشاهدة/حذف الأعضاء
من هنا تشوف اعضاء المنتدي كلهم بشكل افضل من قائمه الاعضاء
وممكن تحذف من هنا اى عضو
بس خلى بالك لو العضو اتمسح
كل سنه و انت طيب ما ينفعش يرجع تاني

تحرير مجموعة الأعضاء
ودي المجموعات بتاعت الاعضاء يعني مثلا كل ما العضو يعمل 50 مشاركه يتنقل لمجموعه معينه و تقدر تدي كل مجموعه مميزات
مثلا يبقي المجموعه الاولنيه
المشاركات من 1 لحد 50 : دا يبقي عضو جديد
ومعندوش اى نجمه
وغير مصرح ليه مثلا بتعديل الردود بتاعته
وعدد الرسائل الخاصه فى الاين بوكس بتاعه 5 رسائل

المشاركات من 51 ل 100 مشاركه
بقي عضو نشيط
وعنده نجمه واحده
ويقدر يعدل المشاركات بتاعته وعدد الرسائل الخاصه 10

وهكذا

فى مجموعات مش بتعتمد على المشاركات
ودي الي بيبقي ليها تصاريح

يعني مثلا
عاوز تخلي تحت اسم المشرفين فى كل المنتديات كلمه ( مشرف و عضو متميز )

تعمل مجموعه بالاسم دا
وتشوف التصاريح الى محتاجها او المناسبه بالنسبه ليك
وتضيف ليها العضو دا

وهكذا...

تحرير التصاريح
دي تحرير التصاريح للمجموعات الى احنا لسه عملنها
والتصاريح بقي يعني العضو يقدر يعمل ايه

يقدر يعدل رساله يقدر يبعت رسائل خاصه يقدر يستقبل رسائل خاصه
انت ممكن تديله تصاريح انه يحذف اعضاء كمان
وطبعا دا خطر جدا

معالجة التسجيل
ودي من هنا تحط الشروط بتاعت التسجيل
وممكن تمنع اسامي معينه انها تسجل
او مثلا تمنع الخاصيه الامنيه
الى بتظهر حروف عشوائيه اثناء التسجيل و لازم تكتبها صح

حظر الأعضاء
ومن هنا تعمل بلوك لاي عضو
او تشوف الاعضاء الى معملهم بلوك
وتكتب الرسائل الى تظهرلهم عند الدخول
ونوعيه الحظر ايه
يعني مثلا عن الكتابه بس
وكدا


أدوات الصيانة

صيانة المنتدى
من هنا تعمل صيانه للمنتدي
بشكل عام
او تاخد باك اب من الداتا بيز

خالى بالللكككككفى مصيبه جوه
انت ممكن تحذف المواضيع الى ما اتردش عليها من شهر مثلا
انا عملت كدا مره
حذف حوالى 1500 موضوع  :'(
وهم كانو يادوب :'(

تكوين التقارير
مشاهدة سجل الأخطاء للمنتدى
مشاهدة سجل المراقبين


دول انا مش بستخدمهم كتير و هم بيدوك تقارير عامه عن المنتدي
وغالبا انا معرفش هم بتوع ايه  ;D
« آخر تحرير: 10 , مايو, 2013 - 05:26:54 مسائاً بواسطة islam2hamy »

غير متصل islam2hamy

  • فريق الإدارة
  • *
  • مشاركة: 952
  • الشعبية: +23/-0
  • الجنس: ذكر
  • أهلا بك فى موقع smf عربى
    • مشاهدة الملف الشخصي
رد: شرح لوحة تحكم ال smf كامله ان شاء الله
« رد #1 في: 29 , مايو, 2009 - 08:27:28 مسائاً »
مشكور جزاك الله كل خير
فعلا موضوع مفيد



غير متصل Mr. Anaboussi

  • الدعم الفنى
  • *
  • مشاركة: 33
  • الشعبية: +2/-0
    • مشاهدة الملف الشخصي
رد: شرح لوحة تحكم ال smf كامله ان شاء الله
« رد #2 في: 30 , مايو, 2009 - 04:20:42 مسائاً »
شكرا يا واد يا صيحو
مشاركة مفيدة

غير متصل SAFAD

  • الدعم الفنى
  • *
  • مشاركة: 392
  • الشعبية: +11/-1
  • الجنس: ذكر
  • دمتم في حفظ الرحمن
    • مشاهدة الملف الشخصي
    • أكاديمية صفد سوفت
رد: شرح لوحة تحكم ال smf كامله ان شاء الله
« رد #3 في: 31 , مايو, 2009 - 02:19:34 مسائاً »
بارك الله فيك
موضوع رائع لكن بسبب لهجتك لم أفهمك
تصفح هذا
http://www.smfarabic.com/index.php/topic,262.0.html
دمتم في حفظ الرحمن
دمتم في حفظ الرحمن
Sadaoui "SAFAD" Abderrahim - Lead Developer @ Electron inc